ONTZIAN

Doako jarduerak publiko guztientzat. Ontziratu eta izan Itsas Zaindari!

Ontzi Museo Ekoaktibora bisitak

Disfrutatu, itsasoaren kontserbazioan eta zaintzan diharduen itsasontzi enblematiko bat nolakoa den ikusten. Zergatik da garrantzitsua itsasoa gure bizitzarako? Zer gertatzen zaigu gaixotzen denean? Nola lagundu dezakegu hura kontserbatzen? Bisita gidatu honetan, galdera horien erantzunak zeintzuk diren jakingo duzu, eta era berean, beste gauzatxo batzuk modu dinamiko eta atseginean ulertuko dituzu, gure tripulazio ekoaktiboaren eskutik.

Itsas Zaindari Gunea

Ezagutu itsasoko hondakinek nola eragiten diguten eta hauek geldiarazteko gure esku zer dagoen. Horrez gain, hondakin bilketetan parte hartu ahal izango duzu portu bakoitzeko top3 hondakin ugarienak ezagutzeko, eta honen truke, hurrengo portura MATERen nabigatzeko zozketan sartuko zara.  

Zinema ontzian

Udako zinema aire librean ontziko kubiertan. Donostiako  Nazioarteko Itsaspeko Zinema Zikloko (CIMASUB) laburmetrairik hoberenak ikusi ahal izango dira, . Udarako momentu ahaztezin hoietako bat izango da. Etzazu galdu!

Itsas Hondakinen Arrantza Nabigazioak

Dibertsioa eta ingurumenaren zaintza uztartzen dituen jarduera, MATERen nabigatuz. Benetako baxurako arrantza-ontzi bat erabiliko dugu, arrainak arrantzatu beharrean, flotatzen duten itsas hondakinak eta mikroplastikoak harrapatzeko, berariazko tresnarekin eta herritarrak ingurumena zaintzeko bereziki diseinatutako dinamikarekin.

Sormen Birziklatze Tailerrak

Arte lanak sortuko ditugu itsasoan aurkitzen dugun hondakin nagusietako batekin: plastikoa. Jarduera honetan, plastiko horiei bizitza berria emango zaie, plastiko material ezberdinekin collageak sortuz eta benetako kontzientziazio ikurrak bihurtuz, gogoratu dezagun hondakin hoberena, sortzen ez duguna dela.